影片
更多
2020-11-13
85 瀏覽
香港地方唔大，鋪租又貴，所以有唔少餐廳鋪頭都唔係開喺大街大巷。所以，間中就會聽到有人發掘到d隱世餐廳、隱世小店。而今晚去呢間餐廳，雖然其實係喺尖沙咀佐敦鬧市區入面，但就真係有去搵隱世餐廳既感覺。由山林道彌敦道果頭開始行，行到盡頭，見到酒店轉入右邊既細巷，行幾步見到樓梯，上左樓梯就係餐廳。佢個環境係好似俾石屎森林包圍住既一間餐廳，但完全冇後巷果種污糟同嘈既感覺，反而係靜靜地幾舒服。所以都有唔少人坐左喺戶外既位，再開枝酒，嘆生蠔。我地大約八點左右黎到，d位都坐得七七八八。望一望menu，menu封面就寫住佢地係wine and oyster既expert。可惜，我唔多飲得，同埋我地唔太好生蠔，所以兩樣都冇叫。雖然冇飲酒，但我地叫左幾樣下酒菜，兩杯野飲同一個海鮮set做main dish。最先黎既係一口和牛粒。嘩，都幾大碟，我地兩個人慢慢拮，真係食到夠都得。和牛粒煎得夠，雖然未到表面香脆，但都幾香口，而且確實係好軟林。碟側邊有鹽同黑椒，沾一沾，拮下一粒，拮下又一粒，唔錯。跟住黎既係白酒煮蜆。份量都唔細，d蜆都疊到高高地咁。白酒唔係好濃，加cream煮果隻，清清地唔會搶左蜆既味。蜆就算係細隻d
佢個環境係好似俾石屎森林包圍住既一間餐廳，但完全冇後巷果種污糟同嘈既感覺，反而係靜靜地幾舒服。所以都有唔少人坐左喺戶外既位，再開枝酒，嘆生蠔。
我地大約八點左右黎到，d位都坐得七七八八。望一望menu，menu封面就寫住佢地係wine and oyster既expert。可惜，我唔多飲得，同埋我地唔太好生蠔，所以兩樣都冇叫。雖然冇飲酒，但我地叫左幾樣下酒菜，兩杯野飲同一個海鮮set做main dish。
最先黎既係一口和牛粒。嘩，都幾大碟，我地兩個人慢慢拮，真係食到夠都得。和牛粒煎得夠，雖然未到表面香脆，但都幾香口，而且確實係好軟林。碟側邊有鹽同黑椒，沾一沾，拮下一粒，拮下又一粒，唔錯。
跟住黎既係白酒煮蜆。份量都唔細，d蜆都疊到高高地咁。白酒唔係好濃，加cream煮果隻，清清地唔會搶左蜆既味。蜆就算係細隻d既果種，不過最緊要量夠同埋都冇咩沙。
再黎係炸雞軟骨。嘩，仲大份過和牛粒，我地一見到就諗：連主菜都未黎，會唔會食唔哂。雞軟骨比平時小食店果d大粒，佢呢度一粒有兩至三粒平時食果d既size。炸得夠香脆，又脆又爽。熱辣辣岩岩炸起既雞軟骨，當然要沾沙律醬，咸香又香口脆口，大碟但一陣就清哂。
最後黎係主菜，烤焗海鮮拼盤。睇相就見到啦，除左豐富，都係豐富。大大碟裝住各種各樣既海鮮同埋一隻大啡菇，一係蒜蓉焗、一係芝士焗，食左唔少小食，但一睇到個拼盤已經食指大動。
蒜蓉焗翡翠螺，蒜蓉既香加上翡翠螺既又煙韌又脆口既螺肉，食完肉都要飲埋殼入面既汁先放低。芝士焗扇貝，芝士鋪滿成隻扇貝，而且焗到熔哂仲有少少焦脆。了起扇貝肉同芝士，一啖放入口，正。大啡菇大大隻，面頭又係放滿左芝士，焗到熔哂又拉絲既芝士，加上又多汁又香既大啡菇肉，簡直係perfect match。跟住係主角，芝士同蒜蓉焗龍蝦各一邊。龍蝦係酒店自助餐既果d凍龍蝦既size，仲有大大隻蝦鉗。慢慢用叉刮起入面既蝦肉同膏，再連埋面頭既餡，一啖放入口，啖啖肉好滿足。慢慢剝埋隻蝦鉗之後，最後再食埋兩隻蒜蓉開邊蝦，飽哂。
今次叫左唔少小食同個拼盤，但見台台都係開酒加生蠔，下次再黎一於叫呢個配搭再加一個意粉試試佢先。
張貼
