豐石板燒專門店 (已結業)

行開旺角見到間新開嘅石板燒牛肉，見佢餐牌價錢唔貴又有扒食，佢係以套餐形式一塊扒，有白飯、湯、沙律、飲品都係加$10。美國Prime肩胛肉眼：塊扒有小小筋，好有咬口，最意食啖啖肉嘅人一定鐘意。美國Prime封門柳：一黎到就見到佢厚厚嘅牛扒好滿足，牛肉味比較濃夠晒腍。石板燒最好嘅係可以自己燒自己喜歡熟嘅程度，又有得玩又有得食。我地仲叫左兩款小食，芝麻雞翼同藍青口，兩者都好好味，可以一試。我仲叫左樽自家製桂花烏龍冷泡茶，好清香，食左d肉食支茶真係冇得頂。