牛極 (皇后大道東）

營業中

休息中

好多識我嘅朋友都知道我鍾意食牛肉🐂，對食牛肉嘅要求特別高。今日去開灣仔行街，經過一間專食牛肉店「牛極」，呢間店舖喺香港都好多分店，名就成日聽得多喇，不過就第一次食，估唔到令我好有驚喜🤗。呢間分店店舖唔算大間，不過裝修好有特色🌸，充滿咗日本居酒風格🌸，細細間都可以做到半自助餐嘅位置。佢個半自助餐湯同沙律同白飯都係任裝唔嬲，唔好以為任裝任食就唔好味，佢個湯真係要講一下，💗好香好濃沃嘅牛肉湯，我飲咗好幾碗主菜嚟啦，叫咗個牛柳，嗰熱石板不得了，維持十分鐘都係非常之熱，塊牛柳喺塊熱石板上面咋咋聲，我都驚會整燶塊牛柳，但係最後都係冇，仲要好香口😋😋。入面啱啱好維持五成熟，仲要鎖住曬啲牛汁，睇住啲牛血滴落塊熱石板度，淨係睇見都覺得塊牛肉好鮮味啦，😍😍嗰啲牛肉嘅香味隨著佢的聲音傳出嚟，未食都覺得惹味。都食落去嗰刻仲要好juicy塊牛肉好淋好熱開，配埋佢個特製醬汁再配埋白飯，色香味俱全，成個感覺簡直去咗日本一樣，鍾意食牛肉嘅係必食之選😋環境質素🏚：❤️❤️❤️❤️❤️衛生程度🧽：❤️❤️❤️❤️❤️美味程度😋：❤️❤️❤️❤️❤️抵食指數🤩：❤️❤️❤️❤️❤️回頭指數🤩：❤️❤️❤️❤️❤️