野郎Stone Ya Rou Stone

營業中

休息中

北角匯開咗後，多咗一個購物、飲食嘅地方。朋友要打卡紫藤花隧道，行吓一田超市。發現野郎係超市度開咗分店～野郎蒸。有啲掛住佢嘅石燒！西冷牛扒150g$98上枱時用餐紙蓋住以防彈油，等30秒後就可以移開，一邊燒一邊食。牛扒肉質鮮嫩多汁，幾種嘅醬汁都好味，不過我覺得沾少少海鹽更可以帶出牛嘅肉鮮味。+$30轉套餐可以揀加飯/薯蓉，有一罐汽水，另外麵豉湯同埋沙律可以任添，都幾抵架～原條牛舌芯$148好值得一試嘅牛舌芯，平時都係食串燒多，整條上都幾大條，切成厚厚咁，爽脆鮮味，口感十足👍👍👍醬汁可以自由配搭，店員建議麵豉醬加柚子汁👍 食落又幾開胃，有意外驚喜！