菜菜鍋(犇.石燒) (T.O.P This is Our Place) (已結業)

第三次去犇.石燒き。套餐形式係揀一份肉類(牛、豬、雞、海鮮)，再配自助吧放題。之前試過兩款牛肉，無論平D定貴D款，都有一定質素，今次想試佢既厚切豚肉。🥩丹麥厚切豚肉 $128石燒豚肉夠哂熱，上枱時炸炸聲，肉汁會彈起，要小心D。店舖有提供一次性圍裙，怕整污糟衫既可以拎嚟着。豚肉份量都幾大份，我鐘意燒耐D，燒到肉既油脂出哂嚟，更香口。⭐️自助吧放題有沙律🥗、白飯🍚、薯角🍟、麵豉湯🥣、飲品☕️和雪糕🍦。另外有四款醬汁配肉食，沙律亦有幾款沙律醬選擇，飲品有汽水和不同咖啡、茶等，雪糕係雲呢拿味軟雪糕。整體味道都不錯，以主食價錢再有個半自助餐形式，性價比算幾高了。