粉制良品

營業中

休息中

朋友介紹呢間小店，主打手工石磨河粉同懷舊小食，買嘅時候都幾多人幫襯，應該幾有名氣。呢度嘅河粉嚴選4道工序，採用陳年梯田糙米，將米漿磨起，蒸後再切，出邊真係未見過。基本上嚟得嘅都一定會叫筲箕手工河粉，可以望住佢哋即叫即整，河粉爽口，帶淡淡米香氣，厚身度適中，另可自由搭配主食，要咗冬菇同滷肉，份量十足，搭配醬汁更惹味。火鴨絲碗仔翅，有個👍，入面有大量火鴨絲，啖啖都有配菜，飲落濃稠，果然足料。小食有蘿蔔，清甜無渣、豉油王唐生菜新鮮又入味、燒賣軟硬程度啱啱好而且唔粉，可惜魚蛋未煮好，下次試埋佢。