竹棧 (已結業)

昨日睇完007生死有時，之後邊行邊搵食，屯門真係好多人八點鐘仍然好難搵食，屯門市廣場食肆仍然要等位，去到v city情況唔同，人流不算多，大部分食肆唔使等位，仲可以慢慢睇慢慢揀👍，因為在戲院太凍，所以選擇食熱嘢，選擇吃熱鍋，正啱我胃口！一坐低已經見到張櫈污糟，有醬汁留低這間店舖有熱鍋飯及烏冬選擇，另有串燒，同埋特色飲品。因為大家都太肚餓，結果叫咗兩個飯，醬燒豚肉石鍋飯及蒜香牛柳粒石鍋飯，再加黑糖紅棗茶暖胃。醬燒豚肉石鍋飯，豚肉分量夠，但真係冇豚肉味道，加上提供醬汁太少，所以麻麻地。蒜香牛柳粒石鍋飯，面頭加隻蛋再倒入醬汁，令到珍珠飯提升了，牛肉粒size一口一啖👍，相對好食好多，但係又無蒜香味，點解嘅？黑糖紅棗茶，用透明茶壺茶杯盛載，記得黑糖要用筷子攪拌，先至會出味，因為第一杯完全無黑糖味，去到最後嗰杯才是精華！整體環境舒服，服務員有禮貌，仲有通知last order，唯一較差的，就是趕住收工要清潔，食客一邊食飯(好多枱仲吃緊），旁邊就一邊掃地及拖地，老友仲食緊嘢㗎！希望見文會改善。食嘢總是會有彈有讚，真係個人感受，食物整體都是Ok，下次想試試其他食物。