小草十八怪石鍋米線 (已結業)

成日喺米線關注組睇到旺角呢間石鍋米線，除石鍋米線之外，更有蒸飯、串燒、小食，當然要去試試啦。而食米線既餐廳嚟講，環境環境算不錯，空間感十足又潔淨👍🏻石鍋米線可以自選7️⃣款湯底及9️⃣款配料，賣相吸引。製作步驟非常簡單，先放配料入石鍋內，倒入湯底拌勻，蓋上木蓋，等待約一分鐘直至有蒸氣升起，打開木蓋再放入米線😎配料選擇很多樣化，有成46款選擇😵我最喜歡鯛魚片，因為只靠石鍋的熱力煮熟，所以完全不會過老，保持了魚肉的鮮味和嫩滑，而且算比較多份量😋土魷馬蹄香菇肉餅荷葉飯用四方形木盒盛載，飯底有冬菇、瑤柱粒、蝦米及蒜蓉，米飯香濃惹味💯串燒選擇亦好多，原條燒茄子必食，🍆燒得軟棉棉，而茄肉上面灑上蒜蓉及青蔥，惹味得嚟又不會感覺很油膩。豆卜外皮熱辣香脆，停唔到口😝青檸薄荷梳打特飲非常大杯，食串燒可以盡情暢飲。