一樂小鍋 (已結業)

話說今日要去傑志訓練中心踢波，踢之前覺得有d肚餓就搵下附近有無d簡單既野食啦，跟住就行左入個商場到睇下有咩好食，之後搵搵下呢個叫一樂小鍋既餐廳食碗車仔麵頂下肚先。首先間餐廳都好乾淨企理，環境都唔錯，值得加分。叫左個三餸麵，豬腸，花膠，雞翼米粉。先講一下個湯底，豬骨湯底但唔又無好油既感覺，感覺到應該無落味精，清清地都幾好。至於d餸既份量都好多，豬腸洗得好乾淨，爽口味道唔錯，花膠個份量真係好多，而且質素都幾高，啱哂我食完都唔會覺得滯住，雞翼好大隻，整體來說都唔錯，下次經過可以encore。