影片
更多
2019-07-17
732 瀏覽
之前睇過個電視節目講食素搞到心旭旭想喺屋企附近搵素食餐廳，不過中式素食餐廳太多，想試下西式嘅。餐廳新開張無耐，有85折優惠就同老公去試下 。除咗晚餐仲有啲散叫小食，適合多人分享，不過我哋淨係嗌咗兩個晚餐都好夠飽。咖哩吉列豬扒飯($88)含蛋奶。飯面有麥皮，好細心。仲有薯條同蕃薯條，番薯條好甜。素豬扒係新豬肉產品，睇落同食落都有少少午餐肉嘅感覺。咖哩係東南亞風味，有椰汁味唔係偏甜嘅日本咖哩，令成碟餸加分不少。配香菇豆腐素湯。有好濃菇味，唔錯。日式海鮮漢堡($88)含蛋奶。配沙律同薯條。包面同包底都充滿白芝麻，好香口。入面有沙律菜，素魚柳，芝士，素蝦，素魷魚圈。素魷魚口感同真魷魚好似。整個包味道來源來自沙律醬，所以味道非常ok。總結係，兩味餸菜都好高質素，炸粉唔會太厚，薯條有兩款可見心思，下次會試埋佢其他推介。
餐廳新開張無耐，有85折優惠就同老公去試下 。除咗晚餐仲有啲散叫小食，適合多人分享，不過我哋淨係嗌咗兩個晚餐都好夠飽。
咖哩吉列豬扒飯($88)含蛋奶。飯面有麥皮，好細心。仲有薯條同蕃薯條，番薯條好甜。素豬扒係新豬肉產品，睇落同食落都有少少午餐肉嘅感覺。咖哩係東南亞風味，有椰汁味唔係偏甜嘅日本咖哩，令成碟餸加分不少。
配香菇豆腐素湯。有好濃菇味，唔錯。
日式海鮮漢堡($88)含蛋奶。配沙律同薯條。包面同包底都充滿白芝麻，好香口。入面有沙律菜，素魚柳，芝士，素蝦，素魷魚圈。素魷魚口感同真魷魚好似。整個包味道來源來自沙律醬，所以味道非常ok。
總結係，兩味餸菜都好高質素，炸粉唔會太厚，薯條有兩款可見心思，下次會試埋佢其他推介。
張貼
