麵道 (已結業)

上個星期和公司嘅意大利客中午開完會，帶佢去食好西，揀左公司附近食日式拉麵，門店裝飾不錯呃得下人感覺十分地道，未食已覺有質素。可能差不多兩點去到關係唔駛等位，直接坐低點餐。點餐要劃餐紙感覺有點唔環保，可能餐店著重細節掛。餐紙可以揀選走配料、少油、麵質軟硬、辣唔辣，以及湯底濃度，可以好多要求。餐紙附有英文好貼心，唔駛解釋俾客聽。特盛叉燒溏心蛋醬油豚骨湯拉麵 $90個名勁長賣相吸引，特盛比正常多兩塊叉燒，見到來了四塊叉燒好有滿足感。叉燒邊邊少少燶好香幾正，溏心蛋心半熟呈流質合格，麵質軟硬適中煙煙韌韌有口感，湯底味濃湯汁掛麵能大強，食落每啖拉麵都好夠味。食完真係覺得有驚喜，石門居然有如此有質素的拉麵店。