麵道 (已結業)

每次午飯時間在石門都看見「麵道」門口有一條人龍，今天唔見有人在店外排隊，便立即入內。店內座位不多，圍住廚房有一長長吧枱，很有日本feel，既可一邊欣賞廚師煑食，一邊與朋友談天。它主要提供麵食，我揀了义燒溏心蛋醬油豚骨湯拉麵（$80-），麵餐包一罐汽水，另加一隻天婦羅無骨雞翼（$18-）。等待食物時，發現廚師手法正宗，碗是用熱水燒過毒。拉麵望落正宗，湯底不油。先試一啖湯，有香濃豬肉味，咸甜味適中，唔錯。麵條稔度可自選，如適度或較稔或較硬，我選了適度，果然咬落仍彈牙，有咬口。👍🏻👍🏻👍🏻日式义燒的中心是瘦肉，外圍包有一圏肥肉，上枱前助手用火熗略燒外圍，令佢更香。整件义燒咬落又滑又稔，雖然唔健康，但好好味。😋😋😋鷄蛋是溏心，中間剛剛凝固，好香蛋味及獨有口感，同樣好味！最後上枱的天婦羅雞翼，似普通炸雞翼，炸漿很薄，表面鋪滿炸蒜，很香口。雞翼啖啖肉，yummy!