一樂小鍋 (已結業)

今日係我喺石門返工嘅最後一日，亦係我要同一樂講再見嘅一日，呢間係我同我嘅同事嘅飯堂，因為大件夾抵食，對於打工仔來講呢個價錢真係無得彈，質素又好，每次食完都好滿足！我最鍾意佢個豬骨湯底乾淨簡單，估計佢冇落味精，我每次都會當湯咁飲。配埋烏冬非常之夾而且好彈牙。配菜大件到呢，冬菇大大粒，要分開幾啖咬，同事叫既花膠仲大過我手掌！而且好滑呀！同事叫既波菜麵我都覺得唔錯，佢唔係太爽湯，所以唔會發到漲曬。魷魚好特別，竟然係凍食，咖哩幾入味，呢個係我每次都會叫既配菜！總括來講，呢間車仔麵又唔係特別貴，而且夠晒大碗，我自己作為一個打工仔就好中意，不過以後唔再喺石門做嘢，冇得再嚟，但好想推介俾I石門打工嘅朋友！