迷客夏 (百寶利商業中心)

營業中

休息中

見到有人推介呢間台式飲品新出左研發三年嘅芋圓，鍾意芋圓嘅我當然要去試下，就叫左雙Q芋圓椰香雪露（原價$40，優惠價$35，熱，甜度固定）。飲落口就有濃郁椰香，雖然甜度固定，不過飲落唔會過甜，然後就啜到彈牙西米，同埋軟綿綿嘅芋泥，主角芋圓細細粒，同珍珠大小差唔多，食落有芋香，煙韌有咬口，中間仲有芋頭碎。成杯野口感層次豐富，用料十足，實在好似係糖水舖食緊加左芋圓嘅香芋椰汁西米露，食落好飽肚，細食嘅人可能可以當正餐。