SPOON

營業中

休息中

Spoon一間店名好特別嘅餐廳Spoon ,餐廳位於北角砲台山蜆殼街9號秀明中心地下,餐廳裝修簡約,牆上掛有不同大小各式各樣的匙羹,餐廳主西式咖啡店,有各種西式扒餐,意粉,窩夫和蛋糕供客人選擇,服務員招呼態度熱誠有禮。凍柑桔檸檬檸檬新鮮,柑桔夠酸,入口冰涼夠凍,酸酸地好開胃。凍柚子茶凍柚子茶飲落清爽,酸酸地甜甜地好醒胃。燒粟飼法式豬鞍(8oz）伴鮮果莎莎醬配烤雜菜及燒薯角豬鞍厚切大大塊,廚師烤得剛剛好吾會過火,食落嫩滑夠入味,配料豐富。烤奇津雞翼雞翼炸到金黃色配有醬汁,雞翼唔點醬汁都咁好味,食落外皮脆雞肉仍保持嫩滑。牛油果蟹肉沙律沙律份量都不少,蟹肉鹹香牛油果新鮮,沙律菜酸酸地,越食越開胃。朱古力牛角酥窩夫窩夫鋪滿朱古力粉,朱古力醬和朱古力粒,中間隔著忌廉,牛角蘇窩夫口感煙韌,微甜,有多種口感和口味。特濃朱古力蛋糕特濃朱古力蛋糕係我嘅至愛,不太甜,香濃嘅朱古力嘅蛋糕食落軟綿。