自家烏冬 (已結業)

第一次黎自家烏冬食, 我超鍾意食蛋, 所以點咗個溫泉玉子雞絲胡麻掛烏冬, 有分冷食同熱食, 我點咗個熱既,個烏冬黎到見到個溫泉蛋爛咗, 搞到我鬼咁失望, 本來想叫服務員換過俾我, 但最後都無叫到。 如果唔計個溫泉蛋爛咗要扣分, 其實個烏冬都幾好味。我老公叫咗個鹿兒島六白黑豚鍋燒烏冬, 啲豚肉好滑, 份量唔少,湯底都幾好味, 如果我下次再黎食會點呢個。