影片
更多
2021-10-28
191 瀏覽
九龍灣同九龍東的街坊又有口福啦!! 打卡名店新登場呀!!屹立灣仔逾 75 年的老店「永華麵家」將會強勢回歸啦!率先打頭炮進駐的All Day Dining餐廳「永華日常」今日正式開張!介紹返先! 創於1945的永華麵家在灣仔區成為知名老字號，以秘製湯底竹昇雲吞麵，曾連續三年獲得米芝蓮推介餐廳名號，2018年結業之後，經歷兩年多的沉澱演變及新舊交融，終於以流行新派茶記的全新面貌示人，據知灣仔總店亦將於 12 月下旬在利東街重新開幕! 可喜可賀!講返永華日常，位置就在淘大商塲1 期的地下內街，裝修概念採用了日出日落作為設計主軸，回應新舊飲食文化承傳及創新觀感。就咁睇本厚身的menu，又出現花多眼亂選擇困難綜合症，餐廳除左保留傳雲吞麵、蝦子麵、招牌桑寄生蛋茶之外，破格聯乘多個香港老字號品牌，推出了創意FUSION主食及甜品率先有扎根百年的傳統的四個推介，塑造全新味道主意:1905年「廖孖記」腐乳芝士臘腸卡邦尼意粉、1915年「甄沾記」仙椰汁焦糖燉蛋、1893年「公和荳品廠」豆腐奶凍等、「門神啤酒」聯乘推出普洱茶手工啤酒。永華日常Wing Wah AllDay $118(家傳酥炸咕咾肉, 芝士
22 瀏覽
1 讚好
0 留言
九龍灣同九龍東的街坊又有口福啦!! 打卡名店新登場呀!!
屹立灣仔逾 75 年的老店「永華麵家」將會強勢回歸啦!
率先打頭炮進駐的All Day Dining餐廳「永華日常」今日正式開張!
介紹返先! 創於1945的永華麵家在灣仔區成為知名老字號，
以秘製湯底竹昇雲吞麵，曾連續三年獲得米芝蓮推介餐廳名號，
2018年結業之後，經歷兩年多的沉澱演變及新舊交融，
終於以流行新派茶記的全新面貌示人，
據知灣仔總店亦將於 12 月下旬在利東街重新開幕! 可喜可賀!
講返永華日常，位置就在淘大商塲1 期的地下內街，
裝修概念採用了日出日落作為設計主軸，回應新舊飲食文化承傳及創新觀感。
就咁睇本厚身的menu，又出現花多眼亂選擇困難綜合症，
餐廳除左保留傳雲吞麵、蝦子麵、招牌桑寄生蛋茶之外，
破格聯乘多個香港老字號品牌，推出了創意FUSION主食及甜品
率先有扎根百年的傳統的四個推介，塑造全新味道主意:
1905年「廖孖記」腐乳芝士臘腸卡邦尼意粉、
1915年「甄沾記」仙椰汁焦糖燉蛋、
1893年「公和荳品廠」豆腐奶凍等、
「門神啤酒」聯乘推出普洱茶手工啤酒。
44 瀏覽
0 讚好
0 留言
永華日常Wing Wah AllDay $118
(家傳酥炸咕咾肉, 芝士煙肉洋蔥焗大啡菇, 西班牙風乾火腿,
炒滑蛋, 牛角包, 牛油果, 車厘茄, 黑醋沙律菜)
推介:⭐️⭐️⭐️⭐️
真 ‧ 全日早餐，由早上7:30到晚上10:00都可以叫的一個豐富套餐，
小編特別欣賞個芝士煙肉洋蔥焗大啡菇! 兩層Juicy 口感包圍左大啡菇，
香口得來又啖啖菇肉的滋味口感，
咕咾肉原粒炸排骨上碟，中西式沾汁形式有如點茄汁的薯粒一樣，
再加上ALL DAY BREAKFAST 必需要的各款食材，
打造出永華自家的全日早餐，健康打卡之選。
57 瀏覽
1 讚好
0 留言
26 瀏覽
0 讚好
0 留言
廖孖記腐乳芝士臘腸卡邦尼意粉 $78
推介:⭐️⭐️⭐️⭐️⭐️
以重口味控的小編來講呢一款係一定會叫來打卡，
以鹹香撲鼻的廖孖記腐乳混合忌廉作為醬汁的卡邦尼意粉，
話哂第一次試，真心可以話用左些少勇氣去試比大家睇，
中西式芝士揉合，配料再加有香口的臘腸、芝士碎及香草，
中間再加左一大匙廖孖記腐乳綿綿的腐乳蓉。
第一啖驚喜帶有種味覺衝擊感! 竟將本身油膩的卡邦尼味道再昇華!
鹹香帶點微甜的combo令其滑溜又多了一種中和效果，
份量又非常滿意，而小編竟然可以食哂一條不剩 ~哈哈
9 瀏覽
0 讚好
0 留言
公和荳品廠豆腐奶凍$32
推介:⭐️⭐️⭐️⭐️⭐️必食
呢個係我成為今餐「我最喜愛的甜品」，
就係公和豆腐花的感覺，而且比平時食的豆腐花更甜美滑溜，
份量同味道絕對係抵食級的享受水準，
鐘意豆腐味又想試試奶凍的香滑口感絕對推介!
7 瀏覽
0 讚好
0 留言
甄沾記仙椰汁焦糖燉蛋 $32
推介:⭐️⭐️⭐️⭐️⭐️
藍間紋貴族級的小燉盅上檯，開蓋精美，
面層焦糖火炙香脆，將焦糖打碎出現嫩滑的椰汁燉蛋，
清香的燉蛋再加上椰汁味的濃郁口味，令其質感變得幼滑，
食食下令我諗起間專賣焦糖燉蛋的法國品牌店，
口感同味道差不多完全一樣, 抵讚!
9 瀏覽
0 讚好
0 留言
棉棉西多士 (棉花糖, 花生醬) $48
推介:⭐️⭐️⭐️⭐️⭐️
一上檯已經被佢嘅巨型層層疊所吸引，打卡是必需。
三大塊竹炭厚多士，夾雜拉絲級溶岩棉花糖及碎粒花生醬，
口感鬆軟又有彈性，甜糖中帶點醬咸味，性價比十分高，
頂層的牛油暖流慢慢滲入西多士當中，吸睛又美味。
十勝紅豆沙(熱) $32
推介:⭐️⭐️⭐️⭐️⭐️
綿綿口感的十勝紅豆被煲成起沙狀的紅豆沙，
中日fusion的傳統甜點，令其吸引力傳播到年青人的身上!
紅豆冰 & 鴛鴦紅豆冰 +$8 each
推介:⭐️⭐️⭐️⭐️
足料紅豆冰，紅豆份量有唔少，如果想飲到更香濃椰汁/鴛鴦，
建議order時叫少冰，十分解渴。
由於款款吸引，下次再來encore已經mark定order list，
蝦籽厚燒玉子三文治、半熟流心蛋三文治
蝦籽茶碗蒸、秘製上湯蝦籽野生竹笙
還有獨家秘方以普洱茶製作桑寄生茶!
趁著人流未算太多，快快去試左3款期間限定的特別款啊~
張貼
