金山海鮮酒家 (已結業)

肥師奶生日將至, 王經理豪請食海鮮! 我見未試過金山, 而王經理同 d fd 食過幾次都覺得幾好, 所以今次諗都唔洗諗就去咗佐敦金山舊舖。兩個女子落完一次 order 又再落, 叫到一枱都係餸。 砵酒焗蠔 ~ 超級香口, 乾蔥蒜蓉再加上砵酒汁, 簡直就係完美嘅搭 雲英雞 ~ 肉質頗滑, 微微嘅鹹香, 更能帶出雞嘅鮮味 豉椒炒蟶子王 ~ 蟶子王新鮮, 肉質爽甜, 炒嘅火候拿捏得剛剛好, 而且都幾辣, 食完個胃即刻暖晒 果皮蒸鮑魚 ~ 相比之下較失色嘅菜式, 鮑魚唔夠鮮甜, 要點隨碟附上嘅蠔油先有 d 味 蒜蓉蒸扇貝 ~ 普普通通, 不過不失 綠豆沙 ~ 飯後免費糖水竟然有驚喜, 綠豆煲到好綿, 但又唔會好杰, 唔太甜又有綠豆香