忠記粥品 (人和悅大廈)

營業中

休息中

環境3分：舊式粥鋪新分店光鮮左，門口一樣見到Ｄ油炸鬼同牛脷酥，仲有豆漿機，入面呢就見到廚房煮嘢，餐牌貼滿牆。午餐時間都唔係好多人，基本上未使搭枱，一個人都可以霸成張枱，可以畀三分。衛生3分：啲豉油樽呀，辣醬樽呀，芝麻同胡椒樽都仲好乾淨吓，比其他分店好，所以畀佢三分。服務4分： 好好禮貌，快手快腳，碗粥唔使一分鐘就送到，夠曬熱，畀佢四分。味道3分：粥底都算軟綿，碎肉好似多過以前，好味，有三分。抵食4分：十八蚊食碗碎牛粥，全日同價，算係抵食，四分。