影片
更多
2022-12-27
75 瀏覽
講一樣都夠，碗飯入面有舊膠。本身只係露左一半出黎，我以為係d 乜新式野食半透明，拉出黎睇，根本係一舊保鮮紙類嘅膠！其實好覺眼！個阿姐講句唔好意思就拎番入去廚房，隔左冇5分鐘，原本個托盤都冇埋，徒手成隻原隻碗上番黎，碗野好似撈完d 肉再上過就算。無誠意無歉意。其次，樓面中間枱同枱之間距離極差，仲要夾硬將4人枱坐3組客（兩組1人客，同埋我同我男朋友2人），仲要係最入邊位。隔離位1人Auntie 係咁咳痰我想拉過少少保持距離都做唔到。Auntie 想走個陣，我又要起身讓比佢走。成個坐位安排極差，中間根本唔應該放咁多張枱咁。再黎，上菜極度亂，樓面d staff 好似唔知自己要上去邊張枱咁，四圍搵。佢地上錯左個香芋唔知咩卷比隔離位Auntie , 個Aunite 對住碟野一路咳痰一路同d staff 大叫唔係佢嘅，d Staff 又拎住碟野再一枱枱搵d 客枱面d 單問係咪佢地叫左😑大佬比我都唔敢食。如果上菜清清楚楚知上咩枱，唔係靠睇個客枱面張單，就唔洗咁唔衛生，又唔洗亂到咁。另外仲有同枱另一個1人大叔，我都聽到佢個set 等左半個鐘未到等到燥。間野就可能新開好多人，貪心想賺多d 開勁多張枱，但人
其次，樓面中間枱同枱之間距離極差，仲要夾硬將4人枱坐3組客（兩組1人客，同埋我同我男朋友2人），仲要係最入邊位。隔離位1人Auntie 係咁咳痰我想拉過少少保持距離都做唔到。Auntie 想走個陣，我又要起身讓比佢走。成個坐位安排極差，中間根本唔應該放咁多張枱咁。
再黎，上菜極度亂，樓面d staff 好似唔知自己要上去邊張枱咁，四圍搵。佢地上錯左個香芋唔知咩卷比隔離位Auntie , 個Aunite 對住碟野一路咳痰一路同d staff 大叫唔係佢嘅，d Staff 又拎住碟野再一枱枱搵d 客枱面d 單問係咪佢地叫左😑大佬比我都唔敢食。如果上菜清清楚楚知上咩枱，唔係靠睇個客枱面張單，就唔洗咁唔衛生，又唔洗亂到咁。另外仲有同枱另一個1人大叔，我都聽到佢個set 等左半個鐘未到等到燥。
間野就可能新開好多人，貪心想賺多d 開勁多張枱，但人手又唔夠，訓練又唔夠，所以咪乜都錯晒，得個忙字，忙到乜都錯，由廚房錯到樓面。我唔會再去，講完。
張貼
