Y Show Tasty (已結業)

尖沙咀厚福街都係美食嘅溫藏，今次晚飯深入巷內盡頭嘅美食大樓H8，座落12樓嘅餐廳末有特別景觀，不過窗戶、佈置、餐牌、等等....有大量不金句用作裝飾，當中不泛有趣語句，頗有心思。言歸正餐，先來頭盤水牛芝士配日本水蜜桃，淡味水牛芝士原來配水蜜桃不下番茄美味， 香甜水蜜桃清新夾晒淡味水牛芝士。火箭菜沙律夠新鮮，點些少意大利甜醋味道冇得彈。跟住食嘅白酒煮托托蜆超大隻，大蜆最怕有沙，入口慢嚼唔單止冇沙仲非常 creamy ，酒香又入味，蜆肉一煲八隻，真係好味又抵食。主菜香燒荷蘭黑啤豬手配酸椰菜及自家制醋汁好大碟，豬手大大隻夠三、四個人食，香脆豬皮佐酒一流，特別要提提個芥末籽汁，新鮮芥末籽一啲都唔攻鼻相反香味重十分有特色。食得膩肉就更係要叫返個燒雜菜拼盤平衡返下，甜椒露筍十分爽甜，送燒豬一流。甜品火焰雪山，燒香嘅橙酒倍加蛋糕美味，最緊要仲可以呃 like 用！