靚煲皇 (已結業)

呢幾日又凍返，最岩打邊爐！今晚黎到旺角塘尾道既靚煲皇，好友話已經黎過好多次，湯底選擇多，配料新鮮又大份~宮庭藥膳雞煲 HK$238勁足料，有齊花膠、海參、雞件、蟲草花、圓肉、杞子、紅棗等等，濃濃既藥材味，夠哂養生~雞件啖啖肉，口感嫩滑有雞味。花膠口感軟滑，充滿豐富膠質。配料碟碟都新鮮又大份，好抵食！豬紅HK$48口感滑溜，無血腥味。白魚蛋HK$48彈牙有鮮味，魚味濃郁。鹽香炸魚皮HK$48香酥又夠脆，口感一流。江南魚腐HK$48大大粒魚腐，甘香有魚鮮味。百福豆腐HK$32口感嫩滑，充滿香濃豆香。