面譜-京川料理 (已結業)

今日同咗一個好耐冇見嘅朋友約會，佢好少見我架，因為佢非常繁忙，難得佢叫到我，今日幾忙都要出嚟見一見佢啦。平時佢淨係鍾意食日本菜，估唔到佢今次都約我嘅，竟然係去食川菜，真係有啲估佢唔到。到咗餐廳先知道點解佢會叫我嚟，原來係面嗰13週年，好多碟頭盤都係13蚊，13蚊小碟實在令人非常驚訝，我哋當然亦都試咗唔少。清酒芥末蓮藕粒$13其實前菜已經有蓮藕粒，不過我真係幾鍾意食蓮藕，而且見到係有芥末，有啲日本感覺，當然要試試佢。蓮藕好爽，用左清酒同芥末，少少攻鼻，感覺好清爽。椒麻一囗豆腐$13雖然今次冇飲酒，但係其實，$13小碟嘅菜好適合送酒架，一口豆腐炸到好乾身，口感好脆，配埋啲椒麻，配飯都一流。白灼豬爽肉$13呢道菜係經理推介嘅，豬爽肉果然好爽喎，下面仲有啲芽菜，浸住辣汁，辣辣地又幾開胃。小蔥翁$58個名幾得意嘅小蔥翁，其實係一個用好多層皮夾住香蔥既小點心，聽上台嗰陣時，好大陣蔥香，雖然油份好高，但我覺得幾好食，佢同面時既蔥，有啲唔同，好特別架。面譜小籠包$68好耐冇食小籠包，就叫返個食下啦，呢度嘅小籠包接位幾多，入面好多汁架，可惜就厚左少少，不過都幾好食。