夏麵館 (寶石大廈) (已結業)

星期六去食晏，有商務午餐，都算抵，一個麵跟小食同飲品。窩貼得個大字，皮厚又油又唔夠熱。小籠包裡面個餡同窩貼係一樣，而且擺底果陣個皮已經串左漏曬汁。排骨擔擔麵幾好，湯底夠濃夠香，排骨都炸得唔差，而且幾大份。但個黃魚燶麵就真係有驚喜啦！個湯係魚湯，條煎魚應該係新鮮魚，又滑又鮮甜，估唔到會係夏麵館食到咁高質既魚，實在驚喜！老人家或者身體唔舒服食呢個當堂暖曬，而且起左骨，推介！唯一麻煩既係洗手間要行九曲十三彎，去用商場果個，仲要拎鎖匙，有d唔方便。而且d伙計成日漏order，香港地係咁架啦，唔會對服務有期望。