Golden Elephant Thai

營業中

休息中

呢間每逢晏晝點都要排下隊，古人既智慧不嬲都係無人排既唔好入唔方好食，咁我都緊係排下。叫左個餐牌好靚既泰式炙燒豬頸肉炒手切闊河粉$54，上到黎份量頗大碟，凍飲加$3，都係屬於正常價。同我食飯既同行人士就叫左海南雞飯，佢地就話個醬幾好味，比起其他舖頭，因為佢寫明秘製雞醬，我都試左下佢地啲醬真係幾香口惹味。言歸正轉講番我個河粉味道唔錯仲會比埋香港人最鍾意既辣醬我地，不過我就覺得比較油一啲，我最後唔知係份量多定係油得濟無食曬，反而豬頸肉燒得幾好呢脆邊就算炒完都係有咬口又唔會太韌。不過如果下次我會想嗌波蘿海鮮炒飯，我見周圍啲人嗌個粒蝦幾大，同埋炒得粒粒分明。可能今次我揀錯野食。不過野飲金屬容器裝住，飲凍飲時特別爽。如果係食Lunch 過得去，上菜快適合打工仔。