成記牛什粉麵

營業中

休息中

位於新蒲崗嘅呢一間潮州粉麵老店，喺繁忙嘅中午會有極多嘅學生同埋附近嘅上班一族食，礙於咁熱嘅天氣唔想同人逼，決定咗係晚上先至再嚟食呢一間以手打牛丸及新鮮牛雜成名嘅鋪頭。雖然第一間係以打牛丸出名嘅鋪頭，但係我真係太鍾意食牛雜啦。所以每一次嚟到呢度都會必點牛雜河，你嗰度嘅牛雜10分豐富，有牛心牛肚牛腸牛肺，我最鍾意最欣賞嘅就係牛心同埋牛腸，因為牛腸洗得乾淨又夠肥，牛心超級好食。不過食完真係有少少唔夠，男仔我建議加底或者叫雙拼配手打牛丸。喺度食嘅時候都有唔少街坊淨係買牛丸去打邊爐或者自己煮嚟食，所以可以見到係10分受街坊歡迎，因為真係用鮮牛肉打出嚟！