點.魚 (已結業)

嚟到中環區總會發現驚喜嘅嘢！咪睇小小店細細地，淨係容得下五枱客，但食物質素卻意想不到地好。佢係用QR code方法落單，以為麻辣、酸辣有得較辣度，但係原來佢得一種固定嘅辣度。而我哋今次嗌咗酸菜魚響鈴金菇刀削麵，同埋麻辣安格斯牛肉響鈴豆腐米線，仲有兩樽茶添！佢嗰個套餐連埋一啲小菜：萵筍及晶瑩剔透薄皮餃子。主食嘅配菜滿佈晒成個碗咁滯，口感好豐富得來亦都好香。如果怕辣嘅朋友，可以一邊食麵底，一邊食萵筍，解辣一流。但我略嫌兩枝茶唔夠香濃味，少少遜色於餐廳嘅主食。環境都算清幽，似係一啲新一代嘅潮食館配上傳統中華美食，感覺都幾fusion！