岩盤牛扒ミディアムレア ステーキ (Greenery Plaza ) (已結業)

呢間食牛扒嘅餐廳好特別，落單嘅時候喺門口直接同店員講要咩部位嘅牛同埋大概要幾重，店員就會即刻切一塊，然後按照重量收費。仲有三款唔同嘅醬料選擇，牛扒仲可以跟餐。今次我就揀咗西冷部位，三成熟，要咗蒜蓉，揀咗set B，跟一個白飯，啤酒，同埋麵豉湯。上碟嘅時候牛扒上面充滿血水，感覺好似比起三成更加生，但鐵板上仲有熱力餘溫，所以可以將牛扒繼續煎熟，蒜蓉都幾香，牛扒嘅口感都唔錯。配埋啤酒就一流啦。價錢買單大概三百幾四百蚊，店舖嘅環境受未去到西餐廳咁靚，晏晝勝在塊扒夠口夠份量。