御前大江戶日式料理 (已結業)

今晚放工約朋友來觀塘行街買野，順便食晚飯，就揀咗呢間出名有磯燒海鮮的放題餐廳。七八點後都幾多人下，建議都先打電話訂位。餐廳入面裝修頗有日式風格，座位寛闊。餐牌都係用電子化落單。一坐低餐廳先送上每檯一份的精選磯燒海鮮，賣相吸引，有新鮮鮑魚，大大粒的元貝，甲羅燒，大虎蝦，生蠔等，份量大，鮮甜嫩滑，職員仲細心會幫手燒熟。刺身系列，三文魚，甜蝦，油甘魚等，厚切嫩滑，入口鮮甜美味。辣小龍蝦，麻辣入味，蝦肉嫩滑彈牙。芝麻雞翼，即炸熱辣辣，香脆惹味。炸榴槤，外皮香脆，入面餡多香濃，榴槤味濃郁。一口牛柳粒，嫩滑鮮甜，煮得剛好熟，油脂香味散發。