榮華南洋冰室

營業中

休息中

之前放假嘅時候間唔中都會黎呢區行吓，貪呢度夠正冇乜車，人都唔多，可以放慢咁行吓啲細舖頭。附近嘅餐廳主要都係西餐價錢比較貴，又或者係一啲Cafe。呢條街頭有一間比較舊式嘅坐街邊嘅茶檔，感覺係有風味嘅，但係夏天坐戶外真係頂唔順。。。見到呢間食東南亞嘢嘅餐廳仔，設計己有風味，望入去見到仲有狗仔同主人一齊用餐添！狗仔係坐喺度冇得食嘢嘅。價錢都唔貴，係一般茶餐廳嘅價錢。泰式豬扒咖喱飯，泰國風味唔係香港港式嘅嘢螢光咖喱汁，唔辣嘅最好食，少少椰汁感覺，輕輕嘅。咖喱入邊有我最鍾意嘅炸過嘅薯仔粒粒，配咗自家製？酸瓜，清新！豬扒好多舊，勁大碟，直頭碟頭飯咁多冬陰功湯金邊粉配黃姜雞扒。係連埋個煲底上，冬陰功唔辣。雖然我可以食到冬陰功嘅辣但係唔辣都有另一種風味;不失冬陰功嘅香氣同酸，只係減少左辣嘅味道。餐廳細細，都幾好坐，有種小社區嘅感覺。