影片
更多
2008-07-23
63 瀏覽
中環為食之旅：1. <Vanilla> + 2. 祖安至愛 <勝香園>.今次已經係我同祖安第三次拜訪勝香園, 雖然我都好鐘意食0架, 不過同祖安比, 就會比下去了!!! 其實祖安係一個非常愛乾淨, 同衛生0既女仔, 難得佢主動話想0黎食, 你就知道佢有幾鐘意食勝香園啦!!!當日我地大約三時半左右到達, 已經見到一條十幾人0既人龍, 今次都係第一次要排隊, 因為平時我地都會揀平日0既下午餐時間0黎食, 會比較少人. 排0左半個鐘, 就有位啦, Yeah!!!我地叫0左番茄餐肉腸仔麵, 番茄牛肉蛋麵, 奶油脆脆, 咖央多士, 凍檸蜜及一支大可樂, 合共都係$82, 都算幾抵!!! 1. 番茄餐肉腸仔麵 ($22) ~ 其實賣相都唔錯0架啦, 而且我地未食lunch, 有d 餓0架啦, 影完相就開餐啦. 水準都keep得好好, 番茄夠多, 而且都夠新鮮, 餐肉腸仔都ok 0架, 麵係用出前一丁, 配合起都唔錯, 最可惜0既係因為我睇0左跌打, 要戒口, 冇得食牛肉呀, 嗚嗚…!!!(不過祖安俾0左一舊我食, 好野) 2. 番茄牛肉蛋麵 ($25) ~ 湯底係番
中環為食之旅：1. <Vanilla> + 2. 祖安至愛 <勝香園>.
今次已經係我同祖安第三次拜訪勝香園, 雖然我都好鐘意食0架, 不過同祖安比, 就會比下去了!!! 其實祖安係一個非常愛乾淨, 同衛生0既女仔, 難得佢主動話想0黎食, 你就知道佢有幾鐘意食勝香園啦!!!
當日我地大約三時半左右到達, 已經見到一條十幾人0既人龍, 今次都係第一次要排隊, 因為平時我地都會揀平日0既下午餐時間0黎食, 會比較少人. 排0左半個鐘, 就有位啦, Yeah!!!
我地叫0左番茄餐肉腸仔麵, 番茄牛肉蛋麵, 奶油脆脆, 咖央多士, 凍檸蜜及一支大可樂, 合共都係$82, 都算幾抵!!!
1. 番茄餐肉腸仔麵 ($22) ~ 其實賣相都唔錯0架啦, 而且我地未食lunch, 有d 餓0架啦, 影完相就開餐啦. 水準都keep得好好, 番茄夠多, 而且都夠新鮮, 餐肉腸仔都ok 0架, 麵係用出前一丁, 配合起都唔錯, 最可惜0既係因為我睇0左跌打, 要戒口, 冇得食牛肉呀, 嗚嗚…!!!(不過祖安俾0左一舊我食, 好野)
2. 番茄牛肉蛋麵 ($25) ~ 湯底係番茄湯, 仲有幾舊大大舊0既番茄!!! 令我最印象深刻0既係 . . . d 牛肉好滑. 本人認為係啱啱熟果種, 真係好正. 至於個蛋都幾滑, 唔會太熟!!!
3. 奶油脆脆 ($8) ~ 第一次食勝香園0既時候, 係試佐檸蜜脆脆先0既 . . . 之後諗住試下其他野, 就試埋奶油脆脆 . . . 原來奶油脆脆比檸蜜脆脆更好味!!! 可能係本人對奶油特別偏愛吧!!! 不過檸蜜脆脆出面就少有d, 都可以一試的.
4. 咖央多士 ($8) ~ 之前食過<維記>0既咖央西多, 就對咖央多0左認識, 而且也愛上了. 勝香園只有咖央多士, 就試下啦!!! 味道唔錯喎, 可以同<維記>0既咖央平起平坐, 正呀!!! 咁樣我下次就要去<維記>試埋佢0既咖央多士先得.
仲有兩杯0野飲：
5. 一支大可樂 ($7) ~ 可樂一支, 冇特別, 但解渴.
6. 凍檸蜜 ($12) ~ 味道不錯! 不過杯野入面見到好多雜質浮下浮下咁, 始終係大排檔, 唔係太衛生. . . 所以suggest 大家飲枝裝可樂好d, 哈哈!!!
P.s 如果環境同衛生可以改善少少, 我相信各食客都會食得更開心.
整體評價：見到樣樣0野食都有個叻, 證明0左一生總要食一次, 哈哈!!!
張貼
