諾亞半熟蛋糕專門店 (已結業)

唔知有幾時開始，我既生日蛋糕都係由自己準備，今年亦都唔例外。好，自己買咪自己買囉。去左九龍城既諾亞，見佢咁多選擇，真係花多眼亂，不過最後都係買左我最中意既芒果半熟芝士蛋糕（$146）同大型餅店比價錢算平，上層係滿滿既芒果，而中間就係用澳洲cream cheese 仲有鮮忌廉同有機蛋做既，非常香濃細滑。另外餅底都同一般既有唔同，佢係朱古力味既，成個蛋糕，層次好豐富。芒果又夠香甜，又香又滑，我地6個人食分量都好夠，真係物超所值。