Coffee Break (鴻輝大廈)

營業中

休息中

野菌黑松露意大利飯外表好似平平無奇咁，但係食落好夠味，黑松露都好香。個汁做得好好唔會太稀。鹹蛋薯條超好食, 落鹹蛋嘅份量啱啱好，唔會過咸，薯條新鮮，炸起好熱又脆。紅酒燴梨鵝肝漢堡係menu見到嘅時候就覺得好特別，出到嚟好好食，都幾夾，佢個漢堡扒都幾大舊，幾厚切 Margherita pizza 最basic 既pizza，但係食得出佢都幾有心思， 佢都額外加咗啲菇畀我哋，因為係我嘅認知margherita Pizza 係冇菇？係加分既！佢係薄身嘅pizza又唔會太薄， 所有嘢嘅balance都做得好好。原味班戟呢個pancake真係好抵食，為之驚人。賣相非常之靚，有個小驚喜係佢有焦糖脆脆。點解我話佢係神奇真我小店呢，一開始入到去嘅時候冇乜人，我都有啲驚啦， 之後啲侍應非常之特別，冇乜表情。但係佢嘅食物質素係好食既，好過出面其他cafe好多，又掋食，係有誠意嘅一間餐廳。