影片
更多
2004-02-28
4 瀏覽
今日食LUNCH路過佐敦﹐原本諗住費事左揀右揀去景霖食週算﹐點知行過隔離鋪位時﹐聞到一陣香味﹐係炸雞翼香﹐於是走入去望下﹐原來係賣車仔麵。都好﹐反正好耐無食過車仔麵喇﹐都值得一試。其實間鋪當時已經滿座(應該每日LUNCH 都會爆棚)﹐但係單人匹馬一般都唔需要等得耐﹐所以我好快就坐低左。先拎起張車仔麵落單紙﹐麵及配料基本上每樣$4~5仲有米線﹐公仔麵同狗仔粉(類似銀針粉)可選﹐真係夠晒多選擇﹐幾奄尖都唔怕。因為肚餓﹐於是極速點左豬紅豬腸蘿蔔配油麵。等麵的時候無聊﹐再睇下個MENU﹐嘩﹗原來呢間唔只係車仔麵﹐仲有好多其它野食﹐真係花多眼亂﹗仲有好多小食﹐頭先聞到的雞翼香完來係南乳炸雞翼﹐係小食的其中一項﹐雖然$7 一隻﹐但諗起雞翼香即刻叫左一隻。其它的﹐咖喱又有﹐碟頭飯又有﹐其它粉麵類又有﹐真係講都講唔到有幾多﹐有D連個MENU 都無﹐貼左係牆上面。最神奇係連沙律都有得賣﹐仲要係話自家製造獨家蛋醬汁云云﹐真係好配服呢度的老闆。你見過一間鋪同時賣車仔麵又賣咖喱又賣沙律未﹖我就好似未見過喇。檢查一下個調味盤﹐仲多野﹐車仔麵醬﹑豆辦醬﹑辣醬﹑辣油﹑胡椒粉﹑糖﹑醋﹑冬菜茸等等﹐相信淨係食呢D都可以
去景霖食週算﹐點知行過隔離鋪位時﹐聞到一陣
香味﹐係炸雞翼香﹐於是走入去望下﹐原來係賣
車仔麵。都好﹐反正好耐無食過車仔麵喇﹐都值得
一試。其實間鋪當時已經滿座(應該每日LUNCH 都
會爆棚)﹐但係單人匹馬一般都唔需要等得耐﹐所以
我好快就坐低左。
先拎起張車仔麵落單紙﹐麵及配料基本上每樣$4~5
仲有米線﹐公仔麵同狗仔粉(類似銀針粉)可選﹐真係
夠晒多選擇﹐幾奄尖都唔怕。因為肚餓﹐於是極速
點左豬紅豬腸蘿蔔配油麵。等麵的時候無聊﹐再睇
下個MENU﹐嘩﹗原來呢間唔只係車仔麵﹐仲有好多
其它野食﹐真係花多眼亂﹗仲有好多小食﹐頭先聞
到的雞翼香完來係南乳炸雞翼﹐係小食的其中一項﹐
雖然$7 一隻﹐但諗起雞翼香即刻叫左一隻。其它的﹐
咖喱又有﹐碟頭飯又有﹐其它粉麵類又有﹐真係講
都講唔到有幾多﹐有D連個MENU 都無﹐貼左係牆上面。
最神奇係連沙律都有得賣﹐仲要係話自家製造獨家
蛋醬汁云云﹐真係好配服呢度的老闆。你見過一間鋪
同時賣車仔麵又賣咖喱又賣沙律未﹖我就好似未見過喇。
檢查一下個調味盤﹐仲多野﹐車仔麵醬﹑豆辦醬﹑
辣醬﹑辣油﹑胡椒粉﹑糖﹑醋﹑冬菜茸等等﹐相信
淨係食呢D都可以食飽﹐哈哈。
車仔麵送到﹐份量都幾大﹐細食的人食完分分鐘會
捧住個肚。油麵一向係我最喜愛的車仔麵不二之選﹐
其粗幼及口感同其它配料及醬汁配合得最好﹐而我
所選的配料都煮得唔錯﹐豬紅係完整一件件的﹐唔怕
“散修修”﹐夾都夾唔起。蘿蔔味道並不特別出色﹐
但煮到剛剛好﹐完全熟透但仍然有爽口感覺﹐正﹗
豬腸食落感覺乾淨﹐無異味﹐睇完“食神”後對豬腸
有壞印象的朋友大可以放心一試﹗
差不多掃清碗車仔麵時﹐南乳炸雞翼送到﹐一望之
下有點失望﹐因為太過深色﹐感覺上炸得太耐﹐心
諗都唔會好食。但一啖咬落去後﹐完全改觀﹐雖然
的確係炸得耐左少少﹐肉有少許硬﹐但味道真係好香﹐
南乳味足﹐好耐無食過如此“香口”的炸雞翼了﹐
不過食食下就發覺鹹左少少﹐如果唔食得鹹的朋友
就最好不要點南乳炸雞翼了。
另外叫左一杯豆漿﹐水準則一般過一般。餐牌上仲
有兩種飲品應該值得一試﹐一種係黑芝麻豆漿﹐
另一種就係自製銀菊露(唔知有無記錯個名﹐總之
就係菊花茶一類)。服務尚算滿意﹐不過車仔麵中
發現一條小菜虫﹐如果唔係太飽的話﹐可能我會食
埋條虫都唔定﹐哈。當然﹐無就更好啦。
張貼