神山麺屋 (新聲大廈) (已結業)

Dinner @ 11 Jan 2023 (Wed)雖然知道神山麵屋係來自東京既過江龍, 最最最出名係食沾汁麵, 但由於小編同友人已經試過沾汁麵並且覺得好好食既前題下, 閒日一收工襯唔洗排隊就去神山麵屋度試下沾汁麵以外既主食。黑神山豚角拉麵: 黑神山即是黑蒜豚骨湯底, 唔知係咪因為神山麵屋專門做沾汁麵既關係, 拉麵既湯底都好濃厚, 比較稠身, 黑蒜味好香, 令人諗起黑蒜麻油味出X一丁, 不過係濃厚版。麵條同沾汁麵既坑紋麵條唔同, 係普通、無坑紋既拉麵, 食落都幾爽口。黑神山拉麵係有驚喜。湯咖喱豚角定食: 定食包含前菜、沙律同麵豉湯, 仲有主角湯咖喱豚角同日本米, 前菜、沙律、麵豉湯表現正常, 湯咖喱來自北海道札幌, 雖然嚴格黎講係一款湯品, 唔會好似日式咖喱既質地咁濃厚, 只係就算質地唔杰身, 但對味道而言確實有啲稀, 略為失望。總括而言, 神山麵屋入面比較推薦既都係沾汁麵同拉麵, 定食的話唔需要係神山麵屋度試, 會感到失望的。