神石燒 (八號花園) (已結業)

呢個傳統石燒既方法係先預熱塊板，再放上牛肉係板上面再出餐，上枱果陣已經1-2成熟，之後就可以再慢慢燒。今次試佐兩款牛肉，一款係$129有200g既美國黑安格斯牛膈肌， 原來係牛既橫膈膜，真係店員介紹先知呀，腍身得黎又會有啲咬口，又有適量肥膏，充滿牛脂香，黑安格斯仲要係級數又再好啲既牛肉，不得了呀🥰🥰另一款係$128既極上原條厚切牛舌芯，牛舌芯係牛舌最中心既位置，非常柔嫩，肉質好軟腍，軟綿綿得黎牛味又好重，燒到表面焦脆，非常惹味呀😚😚呢度既沙律都幾好食，有晒成個沙律吧係度，中意食咩就夾咩，refill得夠快，唔怕唔新鮮呀！