魔膳廚房 (已結業)

好耐冇試過半自助式西餐廳, 魔膳位於觀塘工業大廈入面, 離MTR 都係2mins路程。👍🏻 大概6:00, 餐廳未係多人, 周圍有d佈置有d神秘感, 坐位寬闊。到晚餐時間, 已經好肚餓, 我同朋友點左2個main course, 每人+$38, 可以任食salad bar!😍👍🏻😋 沙律吧有好多薯仔雜果沙律、日式小食(螺肉、中華沙律、帶子裙邊)、雜菜沙拉等等。😊可以任食, 薯仔沙律、螺肉一碟食完又一碟！😋 餐前麵包同餐湯好快上枱, 餐包入面有d提子乾, 又唔會太甜太硬, 擦埋牛油好味！ 豬手好大隻, 真係都起刀叉切, 肉質幾香、有彈性, 入面連埋d筋位幾好食。👍🏻豬皮都烤得幾香！旁邊有好多雜菜生律, 食埋感覺健康d！😌👍🏻 三文魚有驚喜, 皮煎得好脆, 但魚肉剛熟, 仲嫩！👍🏻🎏底下伴有芒果粒, 一齊食就係鮮芒三文魚！😁旁邊又係一大堆鮮生菜, 伴有d黎麥, 有d脆口, 幾特別！ 最後, 歎埋杯熱桂花蜜, 好香桂花味, 飲落舒服。而藍柑檸檬梳打好特別, 真係藍色, 飲落唔會好甜, 有d柑桔味。