送行提燈 (已結業)

我同男朋友上網見到依間店個名覺得好得意，所以就諗住係銅鑼灣行完街就上去試下。一入到去好有日本既味道，我地揀咗坐外面，因為覺得個環境好特別，有兩排燈籠🏮我地叫咗兩個蕎麥麵、3個小食同埋2杯飲品，2個人就岩岩好。蕎麥麵(凍)😋店員好細心咁教我地個食法。我地將生蛋同埋蔥撈埋一齊，之後放落麵再撈，每次食都將麵放落淡醬油都點幾下先食。因為只係點咗幾下，所以既醬油味道，又有蕎麥麵既味道，同埋彈牙啲。蕎麥麵(熱)😋依個同凍蕎麥麵既質地同埋味道都有啲吾同，因為熱食已經一早放咗落去啲醬油，所以就會重醬油味，而且麵質會比較軟。炸年糕😋外面炸得岩岩好，而入面既年糕仲係好煙韌。咖哩薯餅😋入面個餡好有咖哩味，而且啲薯仔都夠晒淋，真係想再叫多個。赤舌😋依個係三種味道既豬肉腸，包括原味、辣味同埋芝士，佢既辣味真係值得一試。大天狗😋依個係佢既特飲，係酸酸地，好開胃。