Tony's Hell

營業中

休息中

＜帶你地食神秘晚餐 - Tony's Hell＞事先聲明，呢一餐飯我食完都唔知入邊用咩材料整，連名我都唔識打，冇計，貫切Chef Tony 一向的作風，你估中就開估，你估唔中你永遠唔會知入面有咩材料，呢篇文好難打😭＜頭盤＞ ＜黑糖麵包＞以前覺得outback既黑糖包好好食，但近呢幾年真係差左好多。但一坐低 我地就被呢個暖笠笠，微甜麵包感動，因為個包係熱，個cream cheese 醬自己調教過 好好食！ ＜水果酥皮卷＞細細個熱辣辣既酥皮卷，入邊既餡有番石榴，西瓜，紅肉火龍果，配上黑醋食，唔錯。 ＜湯＞南瓜仔裝住既湯但主廚話冇用過南瓜做湯，湯係紫色，帶微微甜，好夠熱，好味，只知其中一樣材料係紫薯😑 ＜蕃茄沙律＞一上枱超吸精👀，因為一來你估唔到究竟呢個蕃茄係咪真係茄，二來一大堆沙律菜上面個汁係barbie粉紅色，好靚，入面包左紅豆，同埋流心蛋，個配搭好好食，同行朋友從來唔食蕃茄都食晒一整粒，因為冇蕃茄既草青味，讚 ＜偽漢堡＞大啡菇做到好似漢堡包，入邊包住芝士，切開時可以拉絲，中間紅色的*牛肉*係以薯仔，紅菜頭整成，呢個好味，個配搭好match ＜主菜＞ ＜慢煮雞配Tony自製醬汁＞好彩我地