影片
更多
2013-07-13
7 瀏覽
上月底收到呢間店o既試食邀請電郵,收到試食邀請後,我就提出食o野之前唔會被店員知道,同佢o地o係電郵裡面商量好,就同男友o係尋日(12-7-2013 Fri)放工後o黎食.我o地o黎到都只係大約7:18pm,呢間舖o既位置,正正係我同男友舊年o黎到,食自助乳酪o既o個間http://www.openrice.com/restaurant/sr2.htm?shopid=49947&tc=sr1.我o地坐低後,男店員介紹呢o度o既All Day Set,係多款價錢$34.00至$39.00不原等o既包伴沙律菜,然後加$20.00,$35.00或$45.00可以加咖啡或茶,炒雪糕(細)或是日餐湯一至三樣o野,炒雪糕係menu上所有款式都可以揀,而炒雪糕其實係o係雪糕裡面加入生果等配料兜勻,食起上o黎就有唔同口感同豐富啲.男友就決定要$39.00o既巴馬火腿法式香草包,加餐湯,而我就最重要係想試雪糕甜品,所以男友話加兩樣o野,即係畀多$35.00,而我就仍未揀定食咩o野包,男店只就上前同我o地講,凱薩雞肉卷唔知咩原因暫停,而煙三文魚o岩o岩用晒,要等多一陣至有補充.咁就暫時冇o左三個選擇,咁我
我o地o黎到都只係大約7:18pm,呢間舖o既位置,正正係我同男友舊年o黎到,食自助乳酪o既o個間http://www.openrice.com/restaurant/sr2.htm?shopid=49947&tc=sr1.
我o地坐低後,男店員介紹呢o度o既All Day Set,係多款價錢$34.00至$39.00不原等o既包伴沙律菜,然後加$20.00,$35.00或$45.00可以加咖啡或茶,炒雪糕(細)或是日餐湯一至三樣o野,炒雪糕係menu上所有款式都可以揀,而炒雪糕其實係o係雪糕裡面加入生果等配料兜勻,食起上o黎就有唔同口感同豐富啲.
男友就決定要$39.00o既巴馬火腿法式香草包,加餐湯,而我就最重要係想試雪糕甜品,所以男友話加兩樣o野,即係畀多$35.00,而我就仍未揀定食咩o野包,男店只就上前同我o地講,凱薩雞肉卷唔知咩原因暫停,而煙三文魚o岩o岩用晒,要等多一陣至有補充.咁就暫時冇o左三個選擇,咁我就揀$34.00o既牛油果雞肉沙律三文治同百香果系列名叫盛夏光年o既炒雪糕,配料係芒果茸同碎朱古力.
揀好後,男友就去落單同畀錢,然後返o黎坐低等.一陣後,是日餐湯到o黎,係南瓜湯.
南瓜味道好濃郁,而且纖維豐富,不過忌廉唔多夠,係少少不足.之後我o既牛油果雞肉沙律三文治到o黎,
睇見有好多羅馬生菜,我o地share食喇,其實係呢種三文治都幾'論盡',我將佢切開一半後,自己一隻手拎起塊麵包食,另一隻手拎住支叉拮牛油果雞肉沙律食,
麵包有啲啲煙韌,沙律味道調較得o岩o岩好,雞肉雖然唔係新鮮,但雪藏味除得好好,番茄片新鮮,而碟上o既羅馬生菜呢,可能我留到最後食,而且我o地住正風口位,所以都有啲乾,而佢o既黑醋落得唔係咁夠.而男友o既巴馬火腿法式香草包呢,
店只已經將佢切開一半,巴馬火腿係薄切
而味道呢,淡啲喎,男友話都係同蜜瓜夾啲,不過得覺得佢唔夠鹹,配番茄同羅馬生菜都OK.食完,男友就同店只講,個炒一雪糕可以整喇,不過我o地坐o個張枱真係令人唔係幾舒服,所以我趁隔離枱o既客人食完走o左後,就同男友移過去坐,男友就同女店員講聲,而佢都明白.
我o地睇住女店員整盛夏光年,好快就o黎到,
細size就係得咁多,食吓先,百香果味都濃郁同偏酸,而芒果肉同碎朱古力味道好似唔係好夠;而底o個片薄片脆口同甜甜地.之後我覺得重可以食多個雪糕甜品,但冇可能挑戰有大大舊麵包o係底o既雪糕甜品,如粉紅救冰,因為男友話仍都夠夠地,而且又有啲凍.我就唯有轉啲輕型啲,冇咁吸引o既甜品三重奏,揀o左$68.00o既Lassana Tower,我問男店員,兩個雪糕球o既味道有冇得揀?佢答唔可以,而味道係雲尼拿同士多啤梨.啊,咁好啦,都決定要呢個,男友再出去落單同畀錢.
返o黎時我睇睇張單,多o左$20.00coffee o既?原來男友真係凍到要飲熱o野,男店員拎杯o野過o黎喇,原來係茶,佢提醒我o地浸兩分鐘至飲.
終於浸到有色喇,
男友飲啖先,佢話好似佢有位朋友W咁講,味道似洗潔精.我飲吓,我飲到橙味同薄荷,熱水中帶涼,感覺佢o地係格格不入咁.之後Lassana Tower到o黎,
個樣好靚,
有努男店員再畀刀叉我o地,但....又點食呢?男友將佢一層層搬落o黎,咁我o地又睇到下面o個兩層係點.
開動喇,雪糕都開始熔,呢兩個雪糕味道好似淡o左啲,o岩o岩夠,紅桑子同士多啤梨有啲酸,暖暖地o既窩夫都有少少脆,夾埋士多啤梨漿食係好好味.其他:
o係等Lassana Tower o既時候,我見到呢個o野,原來係滴漏咖啡.
環境:好光猛舒適,只係住o係風口位下面真係唔食幾得.
服務:
個個都好有禮貌o既,只不過係奇怪,我同其他客人都冇主動話要水,但男店員就自己畀一啲客,唯獨是我o地冇,而男友同我飲完杯茶後覺得唔夠,男友厚面皮咁問男店員可唔可加水?佢都樂意加.
其實呢個男店員都好勤快,不過人多起上o黎時,只有一個佢招呼客人,會有啲吃力.
價錢:
雖然係免費試食,我都會以$198.00評分.
PS:現場燈光影響,啲相影出o黎偏紫色.
張貼
