Fjaka (已結業)

今晚朋友帶我黎到呢間位於銅鑼灣登龍街上樓的餐廳，餐廳門口好特別，係好似入左一部𨋢再入餐廳咁，而且入到餐廳亦有種神秘的感覺。本身同朋友諗住坐室內，但係店員帶我地出一出室外望完之後，就決定坐室外，因為涼涼地幾舒服，而且仲可以睇到維港夜景。意式生牛肉配12年黑醋及巴馬臣芝士，一片片薄薄的意式生牛肉，伴入酸酸地既黑醋，已面頭亦有大量巴馬臣芝士碎，帶有咸香，整份俾人一種好開胃既感覺。蒜片初榨欖油乾辣椒拌蟹肉扁意粉，意粉看上去好似好普通，但係味道不錯!意粉有淡淡的蒜味，還有少少辣椒既味道，蟹肉既份量好多，基本上每一啖都食到滿滿既蟹肉，而且意粉軟硬度適中，口感豐富。Nightbird in paradies，呢款cocktail同上rum、white cacao、amaretto多款酒同埋椰子水製成，飲落有淡淡既椰子味，酒既味道都幾濃，用上椰子杯裝住，幾特別。