皇軒私房菜 (裝修中)

老公為左補返我餐生日飯, 安排左私房菜俾我去到差唔多科學館附近, 係大廈高層內就隱藏左個私房菜啦, 座位唔多, 私隱度極高先黎個冰鎮鮑魚, 鮑魚爽滑彈牙, 口感唔會似橡筋胡椒豬肚湯, 驅寒和暖胃, 其實唔只係冬天推介, 營養豐富, 有藥用功效, 補益腸胃, 醒脾開胃, 四季都可以飲BB 鴿, 上菜時只分成一半, 用手撕吃先夠地道, 餐廳仲好細心提供埋膠手套一撕開鴿脾, 即有肉汁唧出, BB鴿肉質特別嫩滑, 又滷得入味, 皮又炸得脆蒸比目魚, 餐廳特登蒸左兩款味道俾我地, 豉椒蒸同埋神草蒸比目魚蒸後非常嫩滑無骨, 油份重, 加埋豉椒蒸, 非常惹味而神草蒸, 就係用左大頭菜絲, 冬菇絲, 薑絲等放係比目魚上, 味道比較清新津菜玉荷包, 造型精緻, 賣相好似小禮物, 拆開包裝, 內裡有肉粒, 甘筍, 粉絲, 冬菇等, 入口爽口金瑤五穀炒飯, 顏色鮮艷, 飯粒粒分明, 炒得乾身, 混合不同彩椒粒入口, 非常有層次最後甜品係菊花豆腐, 係熱食, 將平凡的豆腐變成一朵菊花, 賣相高端, 突顯廚師刀功一流豆腐花嫩滑, 加埋薑水底, 非常滋補