大滿屋日本料理 (已結業)

話說同表哥表姐們去試觀塘新野大滿屋！嘩。大驚喜！事關魚生都好新鮮高質素，熟食等等都好新鮮，唔似係做緊放題！所以值得推介！同表哥坐係近窗邊位。飽覽觀塘全景 又真係幾特別啵！又有卡位。值得一提係佢裝修好豪華好靚！所以坐得好舒服！同表姐第一下即勁店魚生啦！無諗過佢魚生船擺得咁靚！擺盤比起一般見到的更細心更靚！好正呀！原本無諗過帶子刺身都可以做到新鮮做到甜。因為其他放題店的帶子都無咩味咁！三文魚更加唔洗講啦，連帶子都咁甜，三文魚刺身D位好靚，八爪魚刺身兩樣好一絕。小妹夠膽講係比起旺角的其他放題店大勝！佢地唔洗醮豉油都好正！油甘魚油脂味重好香！！講起熟食。熱辣辣好正！小妹最中意係鹽燒蝦！因為做放題店燒蝦咁高成本製作係最睇得出佢地肯唔肯揼本架！燒蝦好大隻好靚！爽口！其次就係雞軟骨啦！都係大熱之選！日本一口薯更加係小妹至愛 ，因為紫薯甜得黎好清！小妹同表哥食左三四轉紫薯！最後大家都好盡興好開心！因為食物好一流。上菜快速唔漏單！值得表揚！😊