五要素食堂 (已結業)

今日丫妹早放工, call咗我出去尖沙咀陪佢行街食飯。前排同朋友去咗The One呢間餐廳食牛舌丼, 令我食過返尋味, 今日順道帶丫妹黎試試。假日黃昏時段, 餐廳內未見人流, 順利安排入座。自行scan QR code落單,急不及待order咗【熟成厚切牛舌丼】HK$88丼飯份量望落唔多, 但足夠一個人食。每粒牛舌都很厚, 口感爽彈不韌, 而且帶有肉汁, 夾蒜片食, 更為香口; 飯底淋上鹹甜嘅醬汁, 牛舌份量多, 每啖飯都食到厚厚嘅牛舌, 推介!【蟹肉味醬薯條】HK$68選用咗幼薯條, 鬆脆不油, 灑上了紫菜碎; 而精粹在於個蟹肉味醬, 沙律醬中加入了蟹肉碎, 點黎食, 惹味提鮮。