Su Casa (已搬遷) 新店位置

政府宣布禁止晚市堂食之前幾日，約朋友食最後的晚餐。我哋決定去石門港鐵站附近嘅京瑞廣場搵食。最近疫情開始嚴重，食肆生意一落千丈，晚市時段去到石門，有好多食肆都冷清清，我哋想食西餐，經過Su Casa, 落地大玻璃望入去，裝修簡約，環境清幽，客人不多，最重要係有特價生蠔，所以揀咗這間餐廳。晚市套餐價錢親民，由$68-$178, 還有精選六款生蠔買一送一。我哋叫咗五款，每款兩隻，非常新鮮，各有特色。餐湯普通，份量少，其實餐湯成本好低，唔明點解咁孤寒，蒜蓉包香脆。青口新鮮，意大利粉軟硬適中，配合龍蝦汁，味道很好。煙三文魚好少，我不愛蟹籽，不預置評，但意粉配合忌廉汁幾好味。總結，服務好，環境清幽，食物好味，同朋友傾下偈食吓飯係不錯嘅選擇。