影片
更多
2023-10-24
134 瀏覽
今日嚟深水埗買嘢，晏晝去附近行下，順便睇睇有乜好嘢食。路經北河街，見到有間福建菜小店，牌匾寫住「莆田扁肉湯、石磨腸粉、家雞罐罐面、金牌蒸飯」，應該係餐廳嘅招牌菜，款款都好吸引，一於試下。點咗個扁肉湯+雞蛋腸粉套餐 ($40) 同 家雞麵 ($38)。扁肉湯以一個闊口扁身嘅湯碗盛上，湯底用豬骨鮮肉熬製，飲得出冇落味精。扁肉形狀像小雲吞，燕皮油潤，入口富膠質感，肉質鮮美彈牙，一啖一隻啱啱好。雞蛋腸粉即叫即蒸，送上時仍熱辣辣，入口滑捋捋，帶陣陣蛋香同米香，加上皺皮度夠，蘸汁力一流，配埋碟底嘅豉油食，好惹味！至於碗家雞麵亦非常抵食，分量十足，黃燜家雞肉質好嫩滑，入味得嚟又有咬口～啖啖肉，很滋味。麵條水準亦唔錯，口感滑溜，軟硬度適中。另外仲點咗凍奶茶 ($12) 同 豆漿 ($6)，奶茶十分滑、茶味香濃；豆漿重豆味，入口順滑無渣，天然又健康。
路經北河街，見到有間福建菜小店，牌匾寫住「莆田扁肉湯、石磨腸粉、家雞罐罐面、金牌蒸飯」，應該係餐廳嘅招牌菜，款款都好吸引，一於試下。
點咗個扁肉湯+雞蛋腸粉套餐 ($40) 同 家雞麵 ($38)。
扁肉湯以一個闊口扁身嘅湯碗盛上，湯底用豬骨鮮肉熬製，飲得出冇落味精。扁肉形狀像小雲吞，燕皮油潤，入口富膠質感，肉質鮮美彈牙，一啖一隻啱啱好。
雞蛋腸粉即叫即蒸，送上時仍熱辣辣，入口滑捋捋，帶陣陣蛋香同米香，加上皺皮度夠，蘸汁力一流，配埋碟底嘅豉油食，好惹味！
至於碗家雞麵亦非常抵食，分量十足，黃燜家雞肉質好嫩滑，入味得嚟又有咬口～啖啖肉，很滋味。麵條水準亦唔錯，口感滑溜，軟硬度適中。
另外仲點咗凍奶茶 ($12) 同 豆漿 ($6)，奶茶十分滑、茶味香濃；豆漿重豆味，入口順滑無渣，天然又健康。
張貼
