影片
更多
2022-01-11
104 瀏覽
前幾日同幾位朋友去呢間福建菜餐廳食飯，環境幾舒適，食左幾款特色福建菜。盆滿鉢滿鮑魚大蝦盆菜 $988/4位踏入一月份，就快又過年，見有新春盆菜食，我哋都叫咗份盆菜一齊食。呢到嘅盆菜有鮑魚、瑤柱、海參、花膠、花菇、蟶乾、雞翼、燒肉、髮菜、大蝦、白靈菇同埋蘿蔔。每款材料都已經煮到入曬味，味道適中，唔會過鹹過淡，亦都啱啱好帶出左食材嘅鮮味，相當出色。我最鍾意食嘅就係髮菜，索曬味，正。軟煎黃花魚 $188/條我地叫左兩條黃花魚。黃花魚首先炸左先，然後再煎，最後醬燜，食落魚肉仲好滑嫩，外面嘅魚皮有少少香脆。醬汁有淡淡嘅甜味，好食。辣子鮮海蠣 $129餐廳依家推行緊海蠣節，有七種唔同食法嘅海蠣可以點，我地就揀左辣子鮮海蠣。呢到用左江口珠蠣，size唔大但濃縮左鮮味精華，就算配上麻辣嘅辣椒，都依然入口鮮美。食落外脆內嫩。酥炒芋芯 $89外層酥脆，有層薄薄嘅脆面喺芋頭，味道甜甜地。內裏嘅芋頭口感綿滑。經典包菜飯 $98因為未試過包菜飯，就叫黎試下。包菜飯係屬於莆田人嘅家常燜飯，用左包菜、滷肉、蝦米、香菇、蟶乾、干貝同飯一齊燜煮，食落唔會太鹹，入口微微濕潤唔太乾，充滿滷香，就咁食都唔會覺得寡。扁肉湯 $
盆滿鉢滿鮑魚大蝦盆菜 $988/4位
踏入一月份，就快又過年，見有新春盆菜食，我哋都叫咗份盆菜一齊食。呢到嘅盆菜有鮑魚、瑤柱、海參、花膠、花菇、蟶乾、雞翼、燒肉、髮菜、大蝦、白靈菇同埋蘿蔔。每款材料都已經煮到入曬味，味道適中，唔會過鹹過淡，亦都啱啱好帶出左食材嘅鮮味，相當出色。我最鍾意食嘅就係髮菜，索曬味，正。
軟煎黃花魚 $188/條
我地叫左兩條黃花魚。黃花魚首先炸左先，然後再煎，最後醬燜，食落魚肉仲好滑嫩，外面嘅魚皮有少少香脆。醬汁有淡淡嘅甜味，好食。
辣子鮮海蠣 $129
餐廳依家推行緊海蠣節，有七種唔同食法嘅海蠣可以點，我地就揀左辣子鮮海蠣。呢到用左江口珠蠣，size唔大但濃縮左鮮味精華，就算配上麻辣嘅辣椒，都依然入口鮮美。食落外脆內嫩。
酥炒芋芯 $89
外層酥脆，有層薄薄嘅脆面喺芋頭，味道甜甜地。內裏嘅芋頭口感綿滑。
經典包菜飯 $98
因為未試過包菜飯，就叫黎試下。包菜飯係屬於莆田人嘅家常燜飯，用左包菜、滷肉、蝦米、香菇、蟶乾、干貝同飯一齊燜煮，食落唔會太鹹，入口微微濕潤唔太乾，充滿滷香，就咁食都唔會覺得寡。
扁肉湯 $22
湯入面有紫菜同埋八粒扁肉。扁肉賣相係類似雲吞咁，但佢嘅特別之處係皮同埋餡料都係由肉造嘅。豬肉經過多次手工捶打之後變成比紙更薄嘅皮。好特別，值得一試。
張貼
