福緣日本料理 (已結業)

從上手至今之間，有一段日子冇去香港仔福緣食飯；今次又來試吓，尋找味道的故事開始。時間係晚上六時左右客人不多，因為同行親友午餐未食，坐下來即點菜。我亦好期待久違了的福緣味道！先來個雜錦刺身，蝦呀、帶子、八爪、三文魚……都好幾樣，買相唔錯睇見都流口水；入口上尚算鮮味，略嫌其中有隻黑頭蝦，美中不足。再上碟雜錦天富羅，做型健康得嚟又夠乾淨，食落清淡唔香口囉！唉～都好嘅！最低限度冇咁熱氣，有益有益！終於等咗好耐嘅老友嚟喇！以前嚟親都必食嘅豬扒蛋飯，明星嚟喇！點知一食入口……哦…妖！哩位老細邊位呀？唔單只外表今非昔比，炸豬扒甩皮冇肉味，用嘅蛋味道不足兼影響整碗飯觀感，又一位老友離去了，睇怕食唔返以前令人回味嘅福緣豬扒蛋飯，呼……（噴氣）