影片
更多
2014-05-16
3618 瀏覽
韓風依然係我身邊吹呀吹...而家約朋友食飯, 大家都係諗左食韓國野先, 今次亦都唔例外, 試下尖東間"秀"啦, 本身想係tablemap度訂位, 但唔知點解揀唔到個時間, 可能係揀星期五關係特別full, 打去訂要講英文, 初初以為係韓國人...去到原來唔係...似係菲律賓姐姐...又係要分兩段時間, 一係就7點到8點半, 一係8點半食到收舖, 其實都好討厭呢個時間, 7點又太早, 有d朋友未收工, 8點半又太晏, 放工又要搵地方hea....最後揀8點半啦, 唔想趕住交台...我估大部分office做既人都係有咁既諗法掛...8點3去到都真係無台比, 要8點半入去就有喇...暗暗環境, 都可以有幾張大台, 我地今次一行6人,可以食多d...用ipad做menu, 又環保又清楚有相睇, 唔會叫錯野啦...大部隊鍋, 其實個名唔係咁, 不過我見食d野似係...我地叫左個大, 都見台台緊係有一鍋野食緊, 眼見一堆粉絲,一堆芽菜,好似唔係好多料, 個湯又淡淡咁...滾起左撈一撈, 原來有個底有好多泡菜,一溒個湯都轉晒紅紅地色喇, 仲有好多腸呀, 餐肉, 年糕, 豆腐咁...不過我唔係咁欣賞食
8點3去到都真係無台比, 要8點半入去就有喇...暗暗環境, 都可以有幾張大台, 我地今次一行6人,可以食多d...用ipad做menu, 又環保又清楚有相睇, 唔會叫錯野啦...
大部隊鍋, 其實個名唔係咁, 不過我見食d野似係...我地叫左個大, 都見台台緊係有一鍋野食緊, 眼見一堆粉絲,一堆芽菜,好似唔係好多料, 個湯又淡淡咁...滾起左撈一撈, 原來有個底有好多泡菜,一溒個湯都轉晒紅紅地色喇, 仲有好多腸呀, 餐肉, 年糕, 豆腐咁...不過我唔係咁欣賞食咁多加工野, 除左個湯辣辣地幾好飲之外, 都冇乜特別...
炒粉絲, 確實係幾鍾意食韓國粉絲, 較粗身又煙韌, 不過碟野比想像中細碟, 百幾蚊...一人食得少少, 個味唔錯, 好多料, 有牛肉, 芽菜, 木耳, 蘿蔔絲咁,大家都好鍾意呢一樣...
蛋包魚, 之前食開韓國野都想叫但無叫, 今次趁多人可以食下, 一塊塊魚柳用蛋包住煎香, 好滑, 都唔錯呀, 係個汁冇乜味冇乜意思...香蔥煎餅, 個餅係一致覺得no good, 傳統好似係冇咁脆口, 好似食左團粉入口咁, 又冇乜料..., 就好似係酒樓食薄撐咁, 可能香港口味慣左食脆口...
炆牛肋骨, 而家食韓國野多數都會食, 佢有得揀份量, 諗住6個人叫個最大,有5條...差唔多成400蚊,初初諗住5條都唔夠一人一條....點知上台時見到一煲仲幫我地剪開應該夠食, 剪完之後原來仲有一煲, 5條係要分開兩煲架, 真係好多呀, 滿足晒大家可以啖啖肉, 仲有年糕,冬菇,好多紅白蘿蔔係入面, 夠淋夠入味, 牛肋骨就炆到腩咁, 不過唔夠"野味", 但大家食到好夠皮....
啤酒雞, 之前係度睇其他食評見到隻雞都覺得好吸引,打黎訂位時仲叫佢留隻比我tim, 上台時見好似燒春雞咁, 店員要表演一下, 淋d啤酒加火"燒一燒" 跟住就幫我地cut開再上台...望落好似好細隻, 但cut開左原來都好大件, 好多肉, 唔鞋...有肉汁, 仲食到少少啤酒味, 加上有三款汁可以點下, 似係燒汁, 蜜糖蛋黃醬咁...大家都係一致讚好....
張貼
