影片
更多
2023-10-23
1211 瀏覽
[ 天寶鐵板燒 ]最近朋友介紹上環地鐵站附近呢間日式🇯🇵餐廳，以吧枱式設計主打兩大主題：日式鐵板燒、刺身及壽司，仲可以包廂體驗，私隱度夠高👍🏻。餐廳會每日採購世界各地時令海產，包括澳洲鮑魚、龍蝦、貝類等等，現場鮮宰製作料理，食材新鮮。✿ 澳洲鮑魚二人前晚餐 $2520 (2位) 套餐有前菜、沙律、澳洲鮑魚、大蝦、季節海鮮、清酒煮大蜆、牛肉、炒雜菜、炒飯及甜品，款式豐富。1.前菜日本白粟米🌽配胡麻醬，白粟米香甜多汁。2.沙律🥗沙律菜清新爽脆。3.澳洲鮑魚選用新鮮澳洲深海野生黑邊鮑魚。鮑魚有手掌咁大隻，好厚肉，上枱時依然生猛新鮮。師傅先將鮑魚去殼起肉，切成片狀，再以三個不同方法烹調鮑魚，能夠食到唔同風味。第一個煮法係將鮑片燒熟後，簡單加柚子皮調味，味道清新；第二個係經典煮法，鮑片加入牛油及清酒煮，味道較濃味；第三個煮法以鮑魚肝醬配搭鮑片及鮑魚裙邊。鮑魚肝醬加甜酒調味，味道唔甘口。三個煮法都做到鮑片鮮美多汁，肉質爽滑，口感彈牙😋。4.大蝦🦐師傅先將大虎蝦去頭拆殼挑腸，蝦肉煎熟後會係表面加上蝦膏汁及一片片鱘魚子條，好有特式。鱘魚子條係由新鮮魚子醬壓除水分後再熟成而成，所以魚子醬鮮味會好強烈。5
最近朋友介紹上環地鐵站附近呢間日式🇯🇵餐廳，以吧枱式設計主打兩大主題：日式鐵板燒、刺身及壽司，仲可以包廂體驗，私隱度夠高👍🏻。
餐廳會每日採購世界各地時令海產，包括澳洲鮑魚、龍蝦、貝類等等，現場鮮宰製作料理，食材新鮮。
✿ 澳洲鮑魚二人前晚餐 $2520 (2位)
套餐有前菜、沙律、澳洲鮑魚、大蝦、季節海鮮、清酒煮大蜆、牛肉、炒雜菜、炒飯及甜品，款式豐富。
1.前菜
日本白粟米🌽配胡麻醬，白粟米香甜多汁。
2.沙律🥗
沙律菜清新爽脆。
3.澳洲鮑魚
選用新鮮澳洲深海野生黑邊鮑魚。鮑魚有手掌咁大隻，好厚肉，上枱時依然生猛新鮮。
師傅先將鮑魚去殼起肉，切成片狀，再以三個不同方法烹調鮑魚，能夠食到唔同風味。
第一個煮法係將鮑片燒熟後，簡單加柚子皮調味，味道清新；第二個係經典煮法，鮑片加入牛油及清酒煮，味道較濃味；第三個煮法以鮑魚肝醬配搭鮑片及鮑魚裙邊。鮑魚肝醬加甜酒調味，味道唔甘口。三個煮法都做到鮑片鮮美多汁，肉質爽滑，口感彈牙😋。
4.大蝦🦐
師傅先將大虎蝦去頭拆殼挑腸，蝦肉煎熟後會係表面加上蝦膏汁及一片片鱘魚子條，好有特式。鱘魚子條係由新鮮魚子醬壓除水分後再熟成而成，所以魚子醬鮮味會好強烈。
5.季節海鮮
刺身級原隻北寄貝大隻厚肉，味道甘鮮，肉質爽滑。
6.清酒煮大蜆
師傅將清酒🍶倒落錫紙容器後，再加少少指天椒🌶️點火🔥烹煮鳳紋蜆。蜆肉肥美厚肉，肉質鮮甜，帶微辣及清酒香甜味。
7.牛肉🐮🥩
套餐配美國🇺🇸牛肉厚及薄燒，或可加+$600升級日本🇯🇵A4佐賀和牛。
師傅分別以厚燒及薄燒方式處理日本🇯🇵和牛。厚燒方面，師傅將厚切日本和牛扒切成粒狀及條狀；薄燒方面，師傅先將蔥花及蒜片放喺和牛薄片之上，捲起後將兩面和牛肉煮至五成熟。另一煮法係只將一面和牛薄片燒至全熟有焦香感，蒜片香脆。和牛入口即化，油脂豐富🤤。
8.炒雜菜🌱
芽菜清熱，有助解油膩👍。
9.炒飯🍚
除咗和牛牛脂及蔥花，師傅仲加入芹菜炒飯，配搭特別。飯粒炒至乾身，粒粒分明。
10.甜品
焦糖多士🍮🍞
師傅好有耐性咁以長時間令多士受熱後變焦糖化，多士口感非常鬆脆香口。
雪糕🍨
口味有焙茶、綠茶、冧酒提子、開心果等。
總結🫦
呢間日式餐廳嘅鐵板餐料理用料高級，海鮮食材新鮮，師傅細心地按食客口味調味。餐廳除咗吧枱座位更有獨立包房，私隱度高。
✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿
天寶鐵板燒
地址：上環文咸東街22-26號柏廷坊UG樓
電話：2885 1578
✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿
張貼
